GAYA NG MGA NAUNANG KWENTO NI SUPERMAN, BUZZLIGHTYEAR, AT BEEP BEEP, NA PARE-PAREHONG NA-LINK KAY SUPERGIRL, ALAM KONG HINDI RIN MAPAGTATAKPAN ANG SAKIT NG PAGKAWALA MO... HINDI KA MAN NAGKARO'N NG SIKAT NA CODENAME O ALYAS SA KWENTONG 'TO, IKAW PA RIN NAMAN ANG BIDA... AT ALAM KONG WALANG PWEDENG PUMALIT SA'YO PARA AGAWIN ANG LINYA...PERO TULAD NG MGA NAUNA KONG ISTORYA, PANGET RIN ANG NAGING PAGTATAPOS NG KWENTO NATING DALAWA.... MINSAN NGA NAISIP KO, SANA AKO NA LANG ANG NAGING WRITER O CAMERAMAN NG BUHAY KO.. PARA ALAM KO KUNG PANO ISUSULAT NG MAGANDA ANG KWENTO, ALAM KO KUNG PANU BUBURAHIN SA SCRIPT UNG HINDI ANGKOP NA PANGYAYARE, AT ALAM KO KUNG PANO KUKUHA NG LITRATONG MAGIGING INTERESANTE.... KASO, HINDI PWEDENG AKO ANG MAGING DIREKTOR NG SARILI KONG PALABAS.. HINDI PWEDENG AKO ANG GUMAWA NG SARILI KONG TADHANA.. HINDI PWEDENG HINDI AKO MASASAKTAN, HINDI PWEDENG HINDI AKO MADADAPA... AT HINDI TULAD NG EKSENA SA PELIKULA NA NALILIMOT NATIN SA PAGDAAN NG PANAHON, NAGMAMARKA ANG BAWAT TAGPO SA TOTOONG KWENTO NG BUHAY....
GAYA NG DATI....TULAD NG DATI.... BIGO PA RIN AKO.... TALO PA RIN AKO SA LABAN NA 'TO....NILALAMON PA RIN AKO NG PAG-IISA KO....INIIWAN PA RIN AKO NG SARILI KONG MUNDO.... WALA NA ANG PARAISONG BINUO MO...KASABAY NG UNTI-UNTING PAGLAHO NG MGA PANGARAP KO....KUNG ALAM MO LANG KUNG GAANO KO SINIKAP NA ALAGAAN KUNG ANUNG MERON TAYO... KUNG ALAM MO LANG KUNG GAANO KASAKIT PARA SA'KEN NA TANGGAPIN ANG LAHAT NG 'TO...WALA NA KONG IBANG HINIHILING PA KUNDI MAGPAKITA KA....MASABI KO SA'YO ANG MGA BAGAY NA 'TO.....AT MAYAKAP KA LANG KAHIT MAN LANG ILANG MINUTO......YUN NA LANG ANG TANGING PAKIUSAP KO.... KAHIT ALAM KO NA MALABO NANG MANGYARI PA YUN...UMAASA PA RIN AKO... AT NAGHIHINTAY SA PAGBALIK MO.. HINDI PARA ITULOY PA NATIN ANG KWENTO... KUNDI PARA MAGPASALAMAT SA'YO DAHIL BINUO MO AKO.... WALANG ELI NA GUMAGAWA NITO NGAYON KUNDI DAHIL SA'YO... AT ALAM KO NA LUMIPAS MAN ANG PANAHON, WALANG PWEDENG UMAGAW SA PWESTO MO DITO SA PUSO KO... (bakit parang tumutula ako??!!)
GUSTO KONG ISIPIN NA PANALO SANA TAYO.. KUNG HINDI MO LANG AKO HINAYAANG LUMABAN MAG-ISA...NAAALALA KO PA YUNG EKSENANG MAGKAUSAP TAYO HABANG NAKASAKAY SA BUS... HINAWAKAN MO YUNG KAMAY KO SABAY SABING HINDI MO KO IIWAN KAHIT ANU PANG MANGYARE...NGUMITI AKO NANG TIPID PERO HINDI MO LANG ALAM KUNG GAANO AKO KASAYA HABANG HAWAK KO ANG PANGAKO MO...PAKIRAMDAM KO NUN, AKO YUNG BATA SA COMMERCIAL NG SELECTA ICE CREAM....HANGGANG NGAYON NAPAPANGITI AKO PAG NAAALALA KO YUN... KASI KAHIT SA SANDALING YUN, SA MGA ORAS NA YUN, NAIPARAMDAM MU PA RIN SA'KEN NA MINAHAL MO RIN AKO.....GUSTO KONG MALAMAN MO NA ISA KA SA CHAPTER NG BUHAY KO... AT BAWAT PAHINA NG CHAPTER NA YUN AY MAY MAGANDANG LINYA NA NAKATATAK SA KASULUK-SULUKAN NG PAGKATAO KO...
HINDI KO ITUTURING NA ISA KA SA MGA PAGKAKAMALING NAGAWA KO... WALA AKONG PAGSISISIHAN KUNG BAKIT IKAW ANG PINILI KO... MASYADO LANG TALAGA SIGURO AKONG NILAMON NG PAGMAMAHAL KO SAYO... MASYADO LANG AKONG NAGING KAMPANTE KASAMA NG MGA PANGAKONG BINITIWAN MO... PERO KAHIT KELAN, HINDI KO BUBURAHIN ANG ANUMANG NAISULAT KO PARA SAYO... HINDI KO BALAK KALIMUTAN KA... GUSTO KO LANG NA MAKABANGON AKO MULA SA LUGAR NA PINAG-IWANAN MO SA'KIN.. ALAM KONG WALANG IBANG TUTULONG SA'KIN PARA MAKATAYO KUNDI ANG SARILI KO RIN.....HABANG PABAWAS NANG PABAWAS ANG MGA ARAW SA KALENDARYO, NAG-AASAM DIN AKO NA PAGGISING KO BUKAS AY HINDI KO NA MAGAGAWA PANG ISUMPA ANG PAGSIKAT NG UMAGA....SIGURO NGA HINDI KO PA PANAHON.. SIGURO NGA HINDI PA ITO ANG PAGKAKATAON....AT ALAM KO RIN NA MAHABANG PROSESO PA ANG PAGDADAANAN KO BAGO AKO TULUYANG MAKATAKAS SA LAHAT NG SAKIT AT PAGHIHIRAP NA PINAGDADAANAN KO NGAYON... PANO KO NGA BA MAGAGAWANG IHAKBANG ANG MGA PAA KO KUNG BAWAT PAG-USAD KO PALAYO AY MAY MGA KANTO AKONG NADARAANAN PABALIK SAYO....MAHABANG PAGLALAKAD PA ANG KELANGAN KONG GAWIN PARA MAKALAYO HANGGANG SA TULUYAN NA KITANG HINDI MATANAW.... BAKA SAKALING SA PAULIT-ULIT KONG PAG-ALALA SA'YO AY SUMAGI RIN SA ISIP KO NA HINDI NA PALA KITA DAPAT PAULIT-ULIT NA ALALAHANIN.... SANA NGA DUMATING ANG ARAW NA KUNG SAAN HINDI KO NA KELANGAN PANG UMINOM NG ALAK SA GABI PARA LANG MAKATULOG, HINDI KO NA KELANGAN PANG HUMITIT NG YOSI PARA MAKAPAG-ISIP... HINDI KO NA KELANGAN PANG MAPUYAT SA KAKAISIP KUNG INIISIP MU RIN BA KO.... SANA NGA DUMATING ANG ARAW NA YUN... NA KUNG SAAN KAYA KO NANG IWANAN ANG MGA ALAALA MO...AT MAGIGING BAHAGI KA NA LANG NG KAHAPON KO....
SANA MAY PAGKAKATAON PA PARA MAKAPAG-USAP TAYO... PARA KAHIT PANO MATAKPAN UNG MGA PANGET NA NANGYARE SA'TEN.... PARA KAHIT PANO AY MAKAHINGI AKO NG TAWAD SA LAHAT NG MGA KAPALPAKAN KO...PASENSYA KA NA SA'KEN... SA MGA ORAS NA PINAG-ALALA KITA DAHIL SA KATANGAHAN KO... PATAWAD KUNG MINSAN DAIG KO PA SI BITTER OCAMPO... NATATANDAAN KO PA NUNG MINSANG NAGTALO TAYO... PATAWAD KUNG NASAKTAN KA SA SUNTOK KO... HINDI KO KASE NAPIGILAN UNG SARILI KO.... KAYA IKAW, NANG DUMAMPI UNG KAMAO KO SAYO, HINDI KA NAGDALAWANG ISIP NA AKMAAN AKO.. MABUTI NA LANG AT HINDI MO TINULOY... AT SA HALIP NA GANTIHAN MO UNG PANANAPAK KO AY NIYAKAP MU NA LANG AKO AT PINILIT NA PAKALMAHIN....SA MGA PANAHONG PINARAMDAM MONG MINSAN KANG NAGING AKIN, SALAMAT.. KAHIT PANO, HINDI LANG AKO NAGMISTULANG POSTE NG MERALCO NA NANDYAN NGA PERO HINDI NAMAN PANSIN...
SALAMAT DIN SA KAYAMANANG INIWAN MU SA'KEN.. ALAM KONG KAHIT KELAN, HINDI KA TALAGA PWEDENG MABURA SA LIBRO KO DAHIL PARATI KITANG MAAALALA SA TUWING TITIGNAN KO UNG ANAK KO... AALAGAAN KU SYA....PALALAKIHN AT BUBUSUGIN NG PAGMAMAHAL... ETO NA LANG ANG TANGING NAIWAN MO SA'KEN... AT ITUTURING KO TALAGA SYANG ISANG KAYAMANAN.... SI KALLEY ANG MAG-AANGAT SA'KEN.... SYA ANG MAGPAPAYAMAN SA'KEN... PAGLAKI NYA, PATATAUBIN NYA LAHAT NG ARTISTA SA SHOWBIZ, NANINIWALA AKO DUN... DAHIL SA GANDA NG LAHING INIWAN MO SA'KEN, ALAM KONG PAG NAGDALAGA SYA, TALO PA NYA ANG ALINDOG NI RUBI... MAS MAGALING PA SYANG SUMAYAW KESA KAY MARIAN RIVERA... MAS MAHUSAY KUMANTA KESA KAY MADONNA.. AT MAS MAGIGING KAAKIT-AKIT KESA KAY BANGS GARCIA....SALAMAT TALAGA SA NAPAKAGANDANG PAMANA... (bakit parang tumutula na naman ako??!!)
MARAMI MAN AKONG GUSTONG SABIHIN AT IPARATING SA'YO (sing dami yata ng lamok na pumapak sa'ken kagabe), ALAM KONG PUTOL NA ANG ORAS....WALA NA RING SPACE NA KUNG SAAN PWEDE KO PANG LAGYAN NG KARUGTONG ANG AKLAT NATIN.... ISANG SIMPLENG PAGPAPARAMDAM LANG ANG HINIHINTAY KO.. MALAMAN KO LANG KUNG BUHAY KA PA....PAGKATAPOS NUN, LALAYO NA KO TALAGA.. SANA MAGING MALIGAYA KA NA.....AT AKO, DI BALE... BATA PA NAMAN AKO AT CUTE... DARATING ANG PANAHON NA MAKIKILALA KO RIN ANG TAONG DINESIGN NI LORD PARA SA'KEN.....
------------------------------------------ITUTULOY----------------------------------------------------------
No comments:
Post a Comment